saggi

Scholae

  • Monica Centanni, Alessandra Pedersoli
    Quonam tempore Petrus Della Francesca Pugnam ad Pontem Milvium pinxerit
    Fabulae quam Legendae Aureae a Iacobo a Varagine conscriptae caput LXXVIII continet haec est summa: Seth Adami filium ab angelo semen accepisse quod apud sepulchrum patris poneret; ex quo semine ingentem arborem deie succrevisse; ex qua, postquam succisa esset pontem inter parvi rivi ripas factum esse; cum Sabae regina Solyma invisens Salomoni nuntiasset materiam, unde pons factus esset, Hebraeorum religioni damno fore, iussisse regem, sub terra materiam abscondi; multis interiectis saeculis, Christi obitu adveniente, arcano Dei consilio, in lucem esse restitutam, ex qua Christi crux erigi posset; postea Helenam Constantini matrem, post pugnam ad pontem Milvium pugnatam, crucem saeculorum pulvere erutam in reliquiarum numerum adsciscendam curasse; Heraclium Orientis Imperatorem, Hierosolymis a Persarum barbarie vindicatis, eadem via qua Christus urbem ingressus esset, Caesarea veste exuta, Sancto sepulchro reciperatas crucis reliquias apponi imperasse. Cuius fabulae varias partes Biccius Laurenti pictor Arreti in templo Sancti Francisci depingere iussus est; quo morte rapto, Petrus Della Francesca opus tectorium inchohatum ad exitum perducere est iussus. Ab anno 1452 usque ad annum1466 forsitan operi tectorio operam dederit. Qui fabulae ordinem saepe neglexit. Animi attentio nobis dirigenda est ad imaginem pugnae ad pontem Milvium datae, in qua, ut assolet in operibus illius temporis, Constantini vultus Iohannem VIII Palaeologum paene ultimum Constantinopolitanum Imperatorem adumbrat. Qui principibus Occidentis notus erat utpote cum ad illas plagas pervenisset qui auxilia contra Turcos peteret quique unitati Orientalis Ecclesiae cum Occidentali faveret, antequam Constantinopolis anno 1453, Constantino XI Iohannis fratre regnante, concideret et in Turcorum potestatem redigeretur. Coniectari igitur potest Petrum Della Francesca imaginem pugnae inter annos 1452 et 1453 primis lineamentis effinxisse, eo nempe tempore cum Constantini victoriam quis posset etiam ominari.

  • Fabrizio Lollini, Giuseppe Cengiarotti, Daniele Pisani
    Res gestae et fictae fabulae: historicae quaestiones iuxta Carlo Ginzburg
    Fabrizio Lollini, Note a margine di Carlo Ginzburg, Indagini su Piero. Il Battesimo, il ciclo di Arezzo, la Flagellazione di Urbino, Einaudi, Torino [1981] 2001
    Giuseppe Cengiarotti, Note a margine di: Carlo Ginzburg, Il filo e le tracce. Vero falso finto, Feltrinelli, Milano 2006
    Daniele Pisani, Note a margine di: Carlo Ginzburg, Il filo e le tracce. Vero falso finto, Feltrinelli, Milano 2006
    Ginzburgiana opera iterum edita novas animadversiones in artium historiam, rerum historiam, historicismum excitant.
gallerie

In serie

  • Alessandra Pedersoli
    Iohannis VIII Palaeologi effigies
    Quam felici fortuna effigies Iohannis VIII Palaeologi in operibus mirandis saeculi XV fruita sit, multis adductis exemplis hic demonstratur.
news

Quid novi?

  • De Flagellationis Urbinatis aenigmate
    Silvia Ronchey, L'enigma di Piero. L'ultimo bizantino e la crociata fantasma nella rivelazione di un grande quadro, Rizzoli, Mediolanum 2006
    In dubium revocari possunt quae Silvia Ronchey in libro de Flagellatione a Petro Della Francesca picta asseverat: Concilium Ferrariense annis 1438 et 1439 habitum opere tectorio de Flagellatione anno 1459 perfecto adumbrari potuisse. Difficile enim est coniectare illis temporibus artificem quendam in opere tectorio pingendo rebus viginti annis ante peractis singillatim innuere potuisse.
    (monica centanni, fabrizio lollini)
  • Petrus della Francesca: vita et opus
    Henri Focillon, Piero della Francesca, Abscondita, Mediolanum 2004
    Iterum editus est liber a Focillon conscriptus de operibus Petri Della Francesca.
    (alessandra pedersoli)
  • Seniorum dignitas
    Maurizio Bergamo, Carlo Zanin, Le tre età della vita. Architettura per la residenza anziani, Iuav-Il Poligrafo, Patavium 2006
    Quomodo aedificari debeant hospitia ad viros ac mulieres provectae aetatis bene excipiendos hic pertractatur. Quorum hospitiorum delineationes a discipulis in Athenaeo IUAV peractae in unum collatae sunt.
    (engrammatis seminarium)