hesperides

Interrete et humaniores litterae

  • Luminar VI
    Mercurius Philologiam ducit: critica textualis cum interreti coniuncta

    Qui Seminario Engrammatis intersunt, Opus Fundatum "Querini Stampalia", Atheneum Venetum Architecturae (IUAV), Sedes Classicorum et Propinqui Orientis Studiorum in Athenaeo Ca'Foscari sextam editionem conventus cui nomen Luminar indicunt.

    Hoc anno studiosi tractabunt quantum et quatenus res informatica philologiam iuvare possit; liceatne loqui de archetypo, de variis lectionibus editionibusque informatica conexione vulgatis, pluribus litterarum generibus haud neglectis.


  • Nuptiae Mercurii et Philologiae
    Paolo Mastandrea

    Ab Apostolica Sede quaestio diu agitata est locorum interretialium quemnam sanctorum patronum fieri deceret. Isidorus Hispalensis, biennio postquam iure ac rite, nostra quidem sententia, renuntiatus erat, patroni dignitate pulsus est, in eiusque locum, suffragiis plurium interreti utentium latis, Iacobus Alberione beatus suffectus est.Minime autem dubitandum quin, si veteres patronum facere debuissent, Mercurium electuri fuerint. An non fuit ille 'Thaltybius deorum'? An 'Hermes', ut ipse Isidorus admonet, apud Graecos idem atque 'hermeneia, interpres, interpretatio' (quod est munus interretis) non valebat? Praeterea Martianus Capella Philologiam Mercurio nubentem fingit. Nil igitur aptius quam hunc philologorum conventum Mercurii Philologiaeque nomine insignire.


    • messico
  • Tabula Mexici
    Lili Díaz-Kommonen
    Urbis Mexici imago saeculo XVI delineata, canalibus, viis finitimisque locis praedita interreti nunc vulgata est. Tribus mensuris imago describi potest. Ex qua historici, archaeologi, anthropologi, linguarum studiosi omnesque qui res Mediae Americae excolunt, haurire possunt.
scholae

Aranea

  • Googlefight: interretiale certamen
    Massimo Manca
    Duae eodem tempore investigationes hoc novo informatico machinamento cui nomen googlefight fieri possunt. Plura histogrammata graphicique conspectus de aliqua re simul delineari valent. Quod haud parum philologiae ipsi conferre potest.
quid novi

Quid novi?

  • Negatio quid negari iubetur?
    Italicus administer rei iudiciariae praepositus consilium aggressurus est ut legem ratam faciat qua quis Hebraeorum occidionem altero omnium gentium bello patratam negare vel in dubium revocare vetetur. Huiusmodi lex iam in nonnullis Europae rebuspublicis viget. Centum et quinquaginta docti viri magni ingenii, natione Italici, huic legis ferendae consilio se adversaturos esse iam nuntiaverunt. Timent enim, si lex rata fiat, ne ii qui Hebraeorum holocaustum negare solent, se iactent unos licentiam sententiae libere proferendae defendere.
    His historicis omnes qui Seminario Engrammatis intersunt se plane consentire declarant.
    (engrammatis curatores)


  • In architectura voluptas
    Andrea Palladio, L'antichità di Roma. 1567, presentazione di Francesco Paolo Fiore, Il Polifilo, Milano 2006

    Rude, informe praematurumque Palladianum opus quod Romae tum antiquae tum recentioris desriptionem exhibet nuper typis excusum est. A quibus primordiis tantus scriptor idemque architectus exorsus sit, hoc opusculo perlecto, diiudicari potest.
    (Daniele Pisani)


  • Quid cultui atque humanitati Occidentis semper immineat
    Claudio Franzoni, Tirannia dello sguardo. Corpo, gesto, espressione nell'arte greca, Einaudi, Torino 2006

    Antiquorum Graecorum ars quomodo per tot saecula percepta sit, rectene ex sua ipsius natura percepta sit, quid sibi velint imaginum gestus (qui numquam ad vitam omnium cottidianam referendi sunt sed ad paucorum intellegentiam), quae significationes, vel inter se repugnantes sint illis, volventibus saeculis, illatae; haec atque talia auctor percontatur.
    (Claudia Daniotti)