internet

Iformatica sive humanitatis studia

  • Mercurius Philologiam ducit. Critica textualis cum interreti coniuncta
    Luminar VI – Acta
    Qui Seminario Engrammatis intersunt, Opus Fundatum “Querini Stampalia”, Athenaeum Architecturae (IUAV), Sedes Classicorum et Propinqui Orientis Studiorum in Athenaeo Ca’ Foscari sextam editionem conventus cui nomen Luminar (ex fabula jüngeriana Eumeswil, anno 1977 typis impressa), indixerunt.
    In sexto conventu, anno MMVII, mense Februario habito, studiosi tractaverunt quantum et quatenus res informatica philologiam iuvare posset; liceretne loqui de archetypo, de variis lectionibus editionibusque informatica conexione vulgatis, pluribus litterarum generibus haud neglectis.
    Cuius studiosorum conventus acta nunc vulgantur. Colloquia quoque in subsequenti seminario habita scriptis mandata sunt.
news

News

  • Lombardiana
    I Lombardo. Architettura e scultura a Venezia tra ‘400 e ‘500, a cura di Andrea Guerra, Manuela M. Morresi, Richard Schofield, Università IUAV/Marsilio editori, Venezia 2006
    (Gianmario Guidarelli recensuit)
    Artifices e “Lombardi” familia ortos, qui Venetiis, altero dimidio saeculi XV operam dederunt, tanta censura Georgius Vasari postea prosecutus est ut usque ad exiens saeculum XIX immerita oblivione obruti sint. Liber a pluribus scriptoribus nuper exaratus eos artifices in debitum honorem restituit.
    Liber de Archimede currenti calamo a Mario Geymonat conscriptus, doctrina et nitore egregius nuperque editus recensetur.
  • Sanguineti antiquorum interpretes
    Edoardo Sanguineti, Teatro antico. Traduzioni e ricordi, a cura di Federico Condello e Claudio Longhi, Rizzoli BUR 2006
    (Anna Banfi recensuit)
    Fabulae dramaticae graecae a Sanguineti conversae nunc in unum volumen collectae sunt. Quas omnes Sanguineti, prout ipse scribit, interpretatus est ut in theatris recitarentur, non ut a singulis lectoribus delibarentur. Sanguineti ab omnibus interpretibus saeculi nuper elapsi valde differt. Putat enim tragoedias dandas esse ut rempublicam iuvent.
  • Piranesiana
    La Roma di Piranesi. La città del Settecento nelle grandi vedute, Roma, Museo del Corso 14 novembre 2006-25 febbraio 2007; catalogo della mostra a cura di Mario Bevilacqua e Mario Gori Sassoli, Artemide, Roma 2006
    (Alberto Spinazzi recensuit)
    Liber qui Piranesianam exhibitionem Romae nuper habitam describit recensetur.