| | Latina versio La Rivista di Engramma XXVIII mensis Novembris anno MMIII |
Quidnam contineant pretiosa Engrammatis acta
si rescire velis, siste et, amice, lege
| Qui seminario Egrammatis intersunt paginae electronicae reficiendae et novandae operam dant, eo consilio ut omnes commentationes adhuc editae in certum indicem redigantur et automatum internum ad perspicienda omnia hucusque edita instruatur.
Quae ephemerides autumno praesentis anni in lucem exibunt, minores extabunt solito: una Warburgiana pars in ampliorem formam redigetur. Interea vicesimum sextum numerum informatica conexione adhibita inspicere poteris, in quo quid contineant singuli articuli usque ad mensem Iulium anni 2003 editi singillatim explanavimus. |
|
|  | Nova
Isabellae Estensis imago continuata
Imaginum Isabellae Mantuae dominae seriem Lorenzo Bonoldi illustrat et auget | |
|  | De aenigmate pulchritudinis
Sphingis vim et antiquis et his temporibus fatalem Lorenzo Bonoldi et Giulia Bordignon in novissimam imaginem redigunt. A verborum provocatione usque ad provocantem rerum vendibilium divulgationem. | |
| |  | Aby M. Warburg, Prolegomena ad Mnemosynen De Atlante imaginum instituendo hoc unum scriptum Warburg totum confecit, anno MCMXXIX cum Atlas in lucem proditurus erat. Quod scriptum, typis deinde a Gertrude Bing mandatum, numquam emendatum ab auctore esse constat.
Sua ipsius lingua, iuxta editionem Martini Warnke apud Akademia Verlag excusam Berolini anno MMII, textum edimus.
Idem prolegomenon in epitomen redactum commentarioque praeditum Giulia Bordignon iam in ephemeride nostra publici iuris fecit
Notae bibliographicae de Atlantis Memoriae editionibus Quae usque ad mensem Octobrem anni MMIII de Aby Warburg edita sint, quot et quae illius opera in lucem prodierint Giulia Bordignon, Katia Mazzucco, Linda Selmin digesserunt. | |
|  | Scholae Salvatore Settis, De Satyro saltatore, sive de exemplari inveniendo
Salvatore Settis de statua aenea in Sicilia apud Drepanum inventa deque eius exemplaribus disserit. Magno clamore id nuntium exceptum est Satyrum drepanensem ab satyro saltatore pro assidente Dionyso in vaso quodam Graeco picto (cuius photographema Catinae in archivio adstat) archetypum traxisse. Quod si quis haec coniectaverit, posteriorem Satyrum aeneum illum esse quam quisquam putet, et ei Dionysum ipsum adstitisse, et cetera huiusmodi concludere potest.
Haec omnia Settis confutat. Nam Satyrum saltantem in Graecorum pictis vasibus maxime usitatum fuisse constat. Quem artifices omnes, prout quisque valebat, effingebant, nullo tamen certo archetypo proposito.
Marianna Gelussi, De Satyri saltatoris flexibus, inter Antiquitatem et Renascimentum
Satyrus ille aeneus in Sicilia inventus impellit ut saltatorem alium ab Antonio del Pollaiolo apud Florentiam in villa Gallina pictum denuo examinemus. Nam ad hanc Satyri typologiam complures variarum aetatum imagines referimus ita ut Pathosformel (animorum sive affectuum quasi certam semperque eandem formulam interpretes vocare possumus) ab antiquis imaginibus deducamus, quae Renascimento in usum repetita sit. Etiamsi coniciamus primi saeculi ante Christum natum gemmam insculptam Pollaiolum exemplar, unde Satyri saltatoris habitum traxerit, habuisse, negare tamen non possumus quin alia sint imagines Satyri in sacrophagis sculptis quae Pollaiolus imitari potuerit. Cum nullum exemplar cetera emineat, nullumve opus a quodam certo exemplari profectum habendum. Tamen saltator quidam Florentiae saeculo XV pictus ad Satyri ellenistici aenei habitum reficiendum necopinato utilis videtur.
Omnia enim opera quasi quadam arta cognatione inter se per saecula continentur, servatis tamen saltibus ac variationibus quibus classica traditio continuatur.
| |
| |
Engramma - Editorialis numerus | | Engramma classicam traditionem omnem examinat, warburgianis studiis suffultum, eo consilio ut omnia evocentur et repetantur quae hominum occidentalium cultui atque humanitati insita semper fuerunt (fabulae, verba, symbola) et quae antiquitatem, rinascimentum ,aetatemque nostram invicem sociare videntur
Engrammatis XXVI numerus iam editum est, tribus annis postquam primus numerus prodierat. Quilibet seriei numerus diversis constat partibus, in quibus, singulis mensibus, scholae textusque informatica conexione vulgantur.
Warburgianae methodo quae, quasi per quandam alchymiam , verba imaginesque inter se coniungit, informatica ratio, quae alicuius textus vel imaginis examen undique expletum et perfectum fieri posse permittit, maxime consentanea est.
Engramma informaticam divulgationem adhibet non quasi haec chartaceae editioni supponatur sed ut investigationem iuvet investigandi rationem recognoscat, utque quae a Seminario classicae traditionis effecta sunt quolibet gentium mittat.
Hic numerus quae contineant, cuiusmodi sint singulae partes explanat. Omnes qui Seminario intersunt omnibus commentationibus quiddam contulerunt
Quae in hoc numero edita sunt adiumento sint iis qui intelligere velint quantum informaticae divulgationi sensim, novas pingendi loquendique formas quaerentes, nos tradiderimus. | | Warburg | Tabulae ex Mnemosyne |
Aby Warburg: textus et materiae |
Lectiones investigationesque in Warburgianum Atlantem | | P&M | Scholae |
Quae repetantur, et velut engrammata seligantur in rerum vendibilium divulgatione |
A scholis chartis editis usque ad divulgationem informaticam | | Novitates | In serie |
Classica traditio in vita hodierna |
Repertoria iconographica informatice pervulgata |
| Hesperides | | |
Warburgiana ratio adhibita et experta | |
|
engramma classicae humanitatis traditio
