 |
Atlas
Imaginum Mnemosyne
De luce et umbra, quid in opere
rembrandtiano significent
(Laura Caon)
Iter per Atlantem dignoscitur quod tabulas tangit 30, 37,
45, 70, 72, 73, 74. Quattuor elementis iter designatur: repetitis
exemplaribus; luce; interioris animi cum stilo alti generis
cognatione; generum comparatione.
Rembrandt ipse Ultimam cenam delineavit, Leonardi quidem vestigia
sequens, sed ita ut, religione exuta, pictura cuilibet convivio
assimulari possit. In opere tectorio de somnio Constantini,
Piero della Francesca lucem quidem verisimilem, haud veram
inducit.
Ut lux, ita umbra gratiam designare potest. Nam in tabula
74 (Masaccii pictura) Petrus aegrotantes luce resanat. In
caelatura Rembrandtiana (tab. 73) Medea quidem nuptias Nasoni
infidelis aspicit in umbra posita, ceteri autem luce illustrantur
|
 |
Scholae
Thesaurus
memeticus Warburgianus (Antonella Sbrilli)
Quae memetica dicitur disciplina, nuper instituta (nam labente
saeculo XX eius nomen inventum est), quonam modo sententiae,
communicandi rationes, habitus moresque in usum, aemulandi praesertim
via, veniant, investigat. Traditio etiam per memata absolvitur,
quae exemplaria servandae traditioni apta dici possunt.
Patet Warburgianis studiis memeticam disciplinam adumbratam
esse. Nam Warburg classicam traditionem innumeris exemplaribus
inter se conexis constare putat quae mematibus similia fieri
possunt.
Exemplum quidem adducimus: in cinematographica pelicula cui
titulus Final Fantasy, variae historiae narrantur, quae nulla
inter se cognatione continentur, sed hoc commune elementum inveniri
potest, quod omnibus personis ventilatae comae sunt, ita ut
veraci motu agitari videantur. Leo Baptista Alberti admonebat
septem motibus comas ventilandas esse. Etiam Warburg clara in
luce ponit comam ventilatam renascimentalibus picturis consentaneam
esse. Ventilata igitur coma inter memata numerari potest.
Imagines
numerosiores in disciplina informatica (Sergio Polano)
Cum magis magisque in dies imagines in disciplina informatica
valere videantur, quid eae significent quae ab iconis nomen
mutuantur haud semper liquebit. Nam significatio in dies mutabilis
videtur. Haec imaginum pervasio cum re typographica praeteritis
saeculis exculta comparari potest. |
 |
P&M
Scholastica classicitas: 'Magnum
miraculum est homo' (Lorenzo Bonoldi)
Quo pluris aestimetur, lanificium Rafaelianam imaginem tamquam
sui vexillum exhibet illudque Pici Mirandulani “magnum
miraculum est homo” ad auctoritatem augendam addidit.
|
|
 |
Nova
– Hamilton Antiquitatum cultor
Pierre Francois Hugues D’Hancarville, The complete
collection of Antiquites from the Cabinets of Sir William
Hamilton.
Medio saeculo XVIII cum Wiliam Hamilton, Britannus legatus
apud regem Utriusque Siciliae, Neapoli versaretur, antiquitatibus
naturalibusque scientiis studuit. Cum Herculaneum Pompeiosque
effossos examinaret animadversionesque in Vesevum ederet,
etiam ad antiqua vasa colligenda vacavit, quae postea in Britannicum
Museum collata sunt. Antequam in Britanniam mitteret Hamilton
pictori D’Hancarville vasa describenda mandavit. Prodiit
inde liber cui titulus Les Antiquitès d’Hancarville.
Qui liber nunc amplius quam ducentis annis post in lucem editur.
(Lorenzo Bonoldi)
– De nympha
George Didi-Huberman, Ninfa moderna, Milano 2004
Didi Huberman putat nymphae imaginem ubi ab artificibus saeculi
XV in usum restituta sit, subverti coeptam esse eo quod peplis
in dies amplioribus ab artificibus indueretur. Pepla tamen
paulatim decidunt et panniculis assimulanda sunt quibus temporibus
nostris cloacae metropolitanae obstruuntur. Qui panniculi
tamen sicut nymha in mendicam pannuceam conversa, antiquarum
imaginum vim testantur.
(Daniele Pisani)
– Musica ex “classicorum” ratione
Raffaele Mellace, Johann Adolf Hasse,
L’Epos, Palermo 2004
Musicus artifex in oblivionem immerito coniectus in lucem
nunc redit. De Johanne Adolpho Hasse et de eius melicis dramatibus.
Barberinae tabulae Mediolani exhibentur
(Giacomo Dalla Pietà)
– Paganae imagines en grisaille
Fra Carnevale. Un artista rinascimentale da Filippo Lippi
a Piero della Francesca, Milano, Pinacoteca di Brera,
13 ottobre 2004 - 9 gennaio 2005; New York, The Metropolitan
Museum of Art, 1 febbraio - 1 maggio 2005; expositionem curaverunt
Matteo Ceriana, Keith Christiansen, Emanuela Daffra, Andrea
De Marchi; catalogum curavit Carlotta Sembenelli, Edizioni
Olivares, Milano 2004
Dubitari potest num Barberinae, quas dicunt, Tabulae, quae
nunc Fratri Carnevale tribuuntur, polyptici partes fuerint.
Praeterea quaestio est sacra an profana opera sint. Duo opera
'Nativitas Virginis' et 'Virgo in templum adhibita' inscribi
solent, sed pauca sunt elementa quibus hae picturae sacrae
dici possunt. Nam tantum nativitas virginis religiosum opus
videtur eo quod nata puella, omnibus circumstantibus gratulantibusque
aspicitur.. Alterum opus quid significet explicare difficile
est.
Molium tantum structuram describere artificis interfuisse
videtur. Nam coniectare possumus eum illud Ariminense templum
et cetera antiqua opera miranda in exemplar sumpsisse.
(Monica Centanni) |
|
engramma
classicae humanitatis traditio
