Scholae

Suas ipsius imagines quas Francis Bacon confecit (Nadia Mazzon)
Cum primas sui ipsius imagines pinxit, Bacon se simiae similem reddidit, artificum saeculi XV et XVI fortasse exempla sequens, qui simias, tamquam admonentes ut voluptates prudenti homini respuendae essent, in suas picturas induxerunt. Neque tamen obliviscendum est apud Bacon recentiores psycologiae cultores (Jung et alii) multum valuisse, inter quos constabat hominem qui se ipse noscere vellet bestiis adsimulare se solitum esse….
Deinde Bacon Christi crucifixi imaginem suis picturis vestigat eo fortasse consilio adductus ut curas quae se angerent significaret utque facta iacturasque XX saeculi adumbraret.
Anno 1970 et sequentibus annis Bacon se ipsum pingere solitus est, ore, sicut ei moris fuit, habituque corrupto, ut curas, quibus et animus suus et ceterorum animi inquietarentur, detegeret.

Nova

Omnia de Divo Nicolao (Lorenzo Bonoldi)
Americanum centrum nuper institutum Divum Nicolaum, quomodo per saecula fideles celebraverint percontatur. Omnia de Divo Nicolao, Myrae episcopo, Barii patrono, puerorum deliciarum munifico largitore exquiruntur.

Caelestes domus (Matteo Zadra)
Apud mysticos Hebraeos « septem domus » stationes vocantur quae initiato homini attingendae sunt antequam ad Dei thronum perveniat. Quibus rebus edoctus, Kiefer septem aedificia construxit, quibus consentanea nomina imposuit variis rebus ad singula appositis : stellis scilicet librisque plumbeis, caementiciis vitreisque fragmentis, siccis foliis… Omnia aedificia tectis semper vacua sunt ut aliud aedificium in aliud inducatur. Investigandi impetus artifici semper insitus.