 |
P&M
Venus cervisiae aequata (Lorenzo Bonoldi)
Melia Venus ad Graecum cervisiae genus, cui nomen Mythos, vulgandum,
usurpatur. |
 |
Nova
Nympha, barbara, maga: Medeae Syracusanae imagines (Giulia
Bordignon, Alessandra Pedersoli, Daniela Sacco
Le vesti di Medea, Palazzo Greco- Museo e Centro studi
INDA, Siracusa, 26 febbraio 2005-25 aprile 2005
Per exedras aedium Syracusani Instituti omnes vestes exhibentur
personarum Euripidei dramatis, quod quinquies in spatio octoginta
fere annorum (MCMXXVII- MMIV) Syracusis instructum est. . Varia
genera imaginum quae saeculo nuper elapso spectatorum oculis
obiciebantur, hac expositione simul recensentur. Quomodo spectaculorum
curatotores, scaenicorum vestimentorum artifices, actoresque,
suo quisque tempore, suis quisque viribus, Euripideam fabulam
interpretati sint commode inspici potest. |
|
 |
Scholae
De sepulchris in Thracia nuper repertis
Laura Bumbalova Georgi Kitov, antiqurorum monumentorum studiosissimum
virum, de duobus veteribus sepulchris in Thracia (quae nunc
Bulgaria est) nuper repertis interrogavit. Sepulchrum unum ad
locum qui Svetica, alterum ad situm qui Goinlijama Kosmatka
vocatur repertum est. Ambo anno bimillesimo quarto a Kitov suisque
in lucem restituta sunt. Haec ex mutuo conloquio habito colligere
possumus.
Tumulus ad Svetica post dimidium V saeculum ante Christum natum
sarcophagi instar factus est (quod numquam Thracum tumulorum
proprium fuit). Haec supellex est: aurea persona, nonnullae
aureae ampullae, argenteum vas, duae amphorae, duae fictiles
hydriae graecae rubris figuris ornatae, aena lorica ferro mixta,
centum quadraginta quattuor sagittarum aena acumina, pulcherrimus
anulus aureus, ubi athleta requiescens effigiatus est etc. Aurea
persona, non, ut assolet, emortui viri vultum fert, sed viventis
et qui audacem animum prae se fert. Pedum capitisque reliquiae
eius qui, regio genere ortus, sepulchrum exstrui iussit, in
pavimento iacebant.
Tumulus ad Golijama Kosmatka exedras duas recto angulo, unam
ad orbem extructam continet. Hic tumulus Sevte regi III qui
Odrisiis, Thracum fortissimis, exeunte saeculo IV ante Christum
natum imperavit, paratus est. Haec supellex est: arma, regalia
sceptra, equorum lora, ensis et lorica. Praeter duo argentea
vasa quibus Sevte regis nomen inscriptum est, omnia aurata sunt.
Etiam caput aenum repertum est, Graeco more faberrime fictum.
Thracum principes reges in templis sepeliebant. Nam divino cultu
eos vita functos prosequebantur. Etiam sepulchrum Sevte regis
templum dici potest, quod in tumulum, Sevte mortuo, mutatum
est. |
 |
|
engramma
classicae humanitatis traditio
