WOLF (1600)

Johannes Wolf, Lectionum memorabilium et reconditarum, Lauingen 1600

In solio residet vir bene auritus, dominum cuisdam terrae designans. Hic porrigit manum dominae Calumniae: adsistentibus ad utrumque latus ei dominibus Ignorantia et Suspicione. Calumnia ardentes habet oculos, et facem flammantem tenet in laeva, dextra manu Innocentiam, hoc est virum Innocentem quendam cum crinibus trahit ad dominum: Invidia sequitur: et pedes viri insidiosis protrudit manibus. Calumniam comitantur Mendacium et Fraudulentia. Demum a longe procul advenit quoque domina Veritas, adiunctam habens comitem dominam Poenitentiam. In secessu postremi anguli residet pictor, qui historiae actum describit in tabula.