Lingua latina ab una civitate profecta, multorum populorum communis facta est. Historiae enim vicissitudinibus superatis, ad diversorum morum gentes consociandas maxime conduxit. Cui linguae hominum occidentalium institutio innixa est. Hic sermo ad res inter se maxime diversas adhibitus est.
Licet enim ab antiquitatis cultoribus hic sermo vel moleste usurpatus sit, religionem catholicam per totum orbem propagavit, in rebus technicis plurimum valuit, in Athaeneis Universitatibusque ad res evertendas novandasque contulit.
Latinum, quod numquam in oblivionem omnino conici poterit, apud nonnullos doctos etiam nunc in pretio est, qui operam dant ut id in vitam quadamtenus restituant. Quorsum? Ut classicae traditioni obsequantur, quae velut perenne flumen per saecula vivit.
Etiam qui seminario Engrammatis intersunt consilium latinitatis vivae excolendae iisdem de causis participant.